Forsíða

 

Gistiheimilið Lyngholt var opnað í lok árs 1999, eigendur eru Karen Rut Konráðsdóttir og Ólafur Birgir Vigfússon. Húsið var áður í eigu fjölskyldu Karenar, en foreldar móður hennar byggðu það árið 1958. Karen og Ólafur búa að Syðra-Álandi í Þistilfirði þar sem þau reka sauðfjárbú og eiga þau 3 dætur.

Í Lyngholti eru 8 svefnherbergi, mismunandi að stærð og útliti, samtals með gistirými fyrir 14 manns. Gestir hafa aðgang að eldhúsi, stofu og þvottahúsi, þráðlaust internet og sjónvarp á öllum herbergjum. Herbergin deilda þremur snyrtingum með sturtu.
Gerðar hafa verið miklar endurbætur á húsnæðinu undanfarin ár og má segja að það sé nú orðið full uppgert.

Nýtt gistiheimili var svo opnað 2013, það er á annarri hæð að Eyrarvegi 2 á Þórshöfn og heitir KLETTUR. Þar eru 6 herbergi eða samtals gistirými fyrir 10 manns, 2 snyrtingar og þvottahús, sjónvarp í setustofu og á öllum herbergjum, þráðlaust internet og góð eldunaraðstaða.

Árið 2016 hófum við svo að leigja út lítið einbýlishús að Fjarðarvegi 12 á Þórshöfn. Húsið heitir Þórshamar og þar er gistirými fyrir allt að 7 manns, tvö svefnherbergi og svefnsófi í stofunni. Úr sólstofunni er einstakt útsýni yfir hafnarsvæðið á Þórshöfn.

Með þessari viðbót eru komin 31 gistirými hjá Lyngholti.

Karen Rut Konráðsdóttir Sími: 468 1238, 897 5064
E-mail: lyngholt@lyngholt.is
Við erum líka á facebook, þar eru fleiri myndir, fréttir og fróðleikur.