Bjarg

Nýjasta viðbótin við Gistiheimilið Lyngholt verður gamalt hús sem er staðsett við hliðina á Lyngholti. Húsið heitir Bjarg og var byggt 1930.
Byrjað var að gera húsið upp vorið 2018 og vonumst við til að taka húsið í notkun sumarið 2022.

Hér fyrir neðan er hægt að fylgjast með framkvæmdunum sem eru ansi róttækar, gera þurfti húsið alveg fokhelt, ekkert stóð eftir nema steinninn. Sumarið 2021 var svo skipt um þak og tveir stórir kvistir smíðaðir á húsið.
Búið er að leggja allar lagnir nýjar til og frá húsinu, nýtt rafmagnsinntak og vatn.
Í húsinu verða fjórar 25m2 stúdíóíbúðir með baði og eldhúsaðstöðu.